'Hari ng Tambay 2022,' mapapanood sa 'The Boobay and Tekla Show!'

Muling nagbabalik ang exclusive search para sa talented unemployed Pinoys sa The Boobay and Tekla Show!

Mapapanood sa darating na Linggo (May 22) ang “Hari ng Tambay 2022.”

Sa daan-daang mga jobless Filipino na nag-audition, tatlong lucky finalists ang pinangalanan at sasabak sila sa tatlong nakatutuwang rounds ng kompetisyon.

Ang tatlong kalalakihan ay self-proclaimed look-alikes nina basketeer Ricci Rivero, Kapuso hunk Paul Salas, at actor Ian Veneracion.

Sa gaganapin na talent portion, isa sa mga candidates ang magpapamalas ng kanyang dancing skills habang ang isa naman ay magbi-beatboxing.

Mayroon ding candidate na magpe-perform ng song number habang nagigitara.

Samantala, ang Mema Squad na sina Jennie Gabriel, John Vic De Guzman, Buboy Villar, Ian Red, at Pepita Curtis ang pipili kung sino ang tatanghalin na winner.

Ang magwawagi sa “Hari ng Tambay 2022” ay makatatanggap ng kanyang sariling chessboard, lamppost, at bench.

Sino kaya sa tatlong candidates ang "Hari ng Tambay" ngayong taon?

Huwag palampasin ang bagong episode ng The Boobay and Tekla Show ngayong Linggo (May 22) sa GMA pagkatapos ng Kapuso Mo, Jessica Soho.

Samantala, muling balikan ang hottest “May Pa-Presscon” episodes ng TBATS noong 2021 sa gallery na ito.